விடுகதை விடுகவிதைஃ

பட்டுபோன்ற மேனிகொண்டே -என்
படுக்கையறையில் காத்துக்கிடப்பாள் -என்
கட்டுக்குலையா மேனிதன்னில் -அவள்
கட்டிப் புரண்டே முத்தமிடுவாள் -அவள்
இட்ட முத்தம் மறையாதிருக்க -எனை
இருகக்கடித்தே இன்புற்றிருப்பாள் -தினம்
கொட்டக்கொட்ட விழித்திருந்தே -சுவை
சொட்டச் சொட்ட அனுபவித்திருப்பாள் -நான்
திட்டத்திட்ட மறைந்துவந்தே -என்
திட்டியவாயில் சுவை பெற்றிருப்பாள் -ஐயோ
பட்டது போதும் என்றே எண்ணி -வெளிக்
கோட்டத்தில் வந்து படுத்தபோதும் -தோளில்
ஒட்டியபடியே என்னுடன் வருவாள் .

(இது முத்தமிட்ட மூட்டைப்பூச்சி )