மானிடவித்து!!
                                                .,.,.,.,.,.,.,.,.,.,.,.,.,.,.,.,.
                             ஆயிறம்கோடி ஆண்டுகள் முன்னே
                             ஆதவனாயிறம் துண்டாச்சு -அதுவே
                             அக்கினிக்கோளப் பந்தாச்சு!!

                                                 அக்கினியான  பந்துகளெல்லாம்
                                                 ஓன்றுக்கு ஒன்று  துனையாச்சு -சேர்ந்து
                                                 ஆதவனைச்சுற்றும் முறையாச்சு!!

                           சுற்றியகோள்கள் சுற்றியபோது
                           பற்றியதீயும் பதமாச்சு -காற்று
                           தொற்றியதும் கொஞ்சமிதமாச்சு!!
                   

                                                 மேவியதீயும் ஆறியதாலே
                                                  பாறையும் கல்லும் மண்ணாச்சு -அதில்
                                                  தேறையும்கோறையும் உண்டாச்சு!!

                           கூடியமேகம் பாடியதாலே
                           இடியும்மழையும் வந்தாச்சு -நிலம்
                           மூடியபங்கோ மூன்றாச்சு!!

                                                   மண்ணிலே தண்ணீர்  பாய்ந்ததனாலே
                                                  வின்னுயர்மரமும் வளர்ந்தாச்சு -அது
                                                  பொன்னிரக்கனியும் தந்தாச்சு!!

                          பூச்சியும்புழுவும் பட்சிகளெல்லாம்
                          இச்சையில்கூடிப் புணர்ந்தாச்சு -அதன்
                          இனமும்பெருகி வளர்ந்தாச்சு!!

                                                   ஆதியும்பகவனும் கூடியகருவோ
                                                   ஆகிடமாதம் பத்தாச்சு -அதுவே
                                                    மானிடகுலத்தின் வித்தாச்சு!!!  

சொல்லித் தந்த பாடம்

                                                       சொல்லி த் தந்த பாடம்
                                                                  -----------------

என்ன சொல்லித் தந்த தென்று
புரிந்து கொண்டதா - மனிதா
நீயும் நானும் வேறு இல்லை
உனக்குப் புரிந்ததா ?
                                                     
                                        என்ன சொல்லி ,,,,,,,,,

 ஏசு கோயில்  மணி யின் ஓசை
சொல்லும் வேதமும் -அந்த
கண்ணனவன் புகழைப் பாடும்
இனிய கீதமும்

                                         என்ன சொல்லி ,,,,,,,,,

புத்தனவன் சொல்லி வைத்த
வாழ்க்கைப் பாதையும் -பள்ளி
வாசலது அழைத்துச் சொல்லும்
தொழுகைப் பாடமும்

                                           என்ன சொல்லி ,,,,,,,,

இறைத்  துவத்தை அடைய வழி
சொல்லித் தந்தது  -நம்மை
முறை தவறி வாழும் வாழ்வை
வெறுக்கச் சொன்னது ,

                                           என்ன சொல்லி ,,,,,,,

அன்புகொண்டு வாழும் வாழ்க்கை
வாழச் சொன்னது -நம்மில்
அனைவருமே ஓன்று என்று
உணரச்சொன்னது ,

                                           என்ன சொல்லி ,,,,,,,

சாதிமத பேத   மதை
ஒதுக்கச் சொன்னது -மனிதச்
சாதி மட்டும் போதுமென்று
போற்றச் சொன்னது.

                                                                   
                                                                                                                                                                                           

 

ontru

                                                         ஒன்று !                                                                                                        

ஆயிரம்  பேர் சொல்லி அழைத்தாலும் -அந்த
ஆண்டவன் வேரில்லை ஒன்றம்மா !
அன்பினில் என்றும்  வாழ்ந்திருந்தால் -அந்த
ஆண்டவனும் நீயும் ஒன்றம்மா !

                                                 ஆயிரம் பேர் சொல்லி .....

 இறைவனின் முன்னே நாமெல்லாம்
இனத்தால் மனிதப் பிறப்பம்மா ! அதில்
சாதிகள் என்றும் சமயங்கள் என்றும்
பிரிந்தது நமது தவறம்மா !

                                               ஆயிரம் பேர் சொல்லி ....


ஈசனைத் துதிப்போர் சிலருண்டு - அல்லா
ஏசுவைத் துதிப்போர் சிலருண்டு
மேரியைத் துதிப்போர் சிலருண்டு -புத்தர்
மாரியைத் துதிப்போர் சிலருண்டு !

                                               ஆயிரம்பேர் சொல்லி ....

எத்துனை பேர்சொல்லித் துதித்தாலும் - நம்
வேண்டுதல் புகுமிடம் ஒன்றம்மா !
வேண்டுதல் எல்லாம் அருளாகி -நல்
ஆசிகள் வருமிடம் ஒன்றம்மா !

                                               ஆயிரம் பேர்சொல்லி ...